Programmerejuvvon birrasat ja dain doaibman
Programmerejuvvon teknologiija eallima iešguđet surggiiguin
Árrabajásgeassin
- áiccadit mánáiguin teknologiija rolla árgabeaieallimis. Nammadit lagasbirrasa digitála rusttegat ja dutkat, mot dat doibmet. Suokkardallat, makkár ávki dahje veahkki rusttegiin, digitála bálvalusain lea olbmuide.
Ovdaoahpahus
- mánát bagadallojit dovdát ja nammadit árgabeaivválaš birrasis biergasiid, rusttegiid ja digitála bálvalusaid, mat doibmet dihtora stivrema vuollásažžan. Suokkardallat ja dutkat ovttas maid dat dahket ja manin.
Jahkeluohkkáollisvuohta 1–2
- máhttá dovdát ja nammadit iežas vásáhusmáilmmi dihtoriin stivrejuvvon rusttegiid ja bálvalusaid ja oahpásmuvvá robotihkkii. Oahppi máhttá govvidit rusttegiid geavahanulbmiliid ja doaibmaprinsihpaid.
Jahkeluohkkáollisvuohta 3–6
- máhttá muitalit teknologiijalaš applikašuvnnaid ávkkástallanvugiid ja doaibmaprinsihpaid birra ja govvida daid mearkkašumi iežas eallimis.
- máhttá áiccadit programmerejuvvon elemeanttaid mieldeorruma birastahtti servodagas, dego robotihkka ja dahkujierbmi.
Jahkeluohkkáollisvuohta 7–9
- dovdá programmerejuvvon elemeanttaid birastahtti servodagas, dego algoritma, automašuvdna, robotihkká ja dahkujierbmi. Oahppi ádde daid doaibmanlogihka ja applikašuvnnaid eallima iešguđet surggiin.
Programmere-juvvon teknologiija váikkuhusat árgabeaivvis
Árrabajásgeassin
- dutkat mánáiguin, mot teknologiijain sáhttá čuovvut olbmo doaimmaid. Ohcat iežamet lagasbirrasis praktihka ovdamearkkaid, dego lihkadanáiccanasaid, kártáapplikašuvnnaid, mánáid mieldeorruma čuovvuntagiid, kodamerkejumiid dahje QR-kodaid. Suokkardallat, mot rusttegat dahje applikašuvnnat čogget doaimmaide laktáseaddji dieđuid.
Ovdaoahpahus
- suokkardallat mánáiguin, manin iešguđetlágan rusttegiiguin ja applikašuvnnaiguin čohkkejuvvojit dieđut olbmuid doaimmain. Ságastallat maiddái mánáide oahpes mediasisdoalus ja birrasiin, gos dat daid čuvvot. Suokkardallat ovttas, maid ákkaid vuođul ovdamearkka dihtii njuolggorávdnjenbálvalusain geavaheaddjái ávžžuhuvvojit iešguđet sisdoalut.
Jahkeluohkkáollisvuohta 1–2
- suokkardallá, makkár dieđuid su doaimmain čohkkejuvvojit digitála birrasiin ja mii oktavuođaid programmeremis lea dieđuid čohkkemii.
- ádde, ahte čohkkejuvvon dieđut vurkejuvvojit ja máhttá addit unnimusat ovtta ovdamearkka, man ulbmila várás su birra čohkkejuvvon dieđut sáhttet geavahuvvot.
Jahkeluohkkáollisvuohta 3–6
- máhttá muitalit ovdamearkka dihtii čuozihuvvon digitála sisdoaluin ja vugiin, maiguin dat čuozihuvvojit. Oahppi suokkardallá iežas doaimmaid ja das čoagganeaddji dieđu geavaheami digitála birrasiin.
Jahkeluohkkáollisvuohta 7–9
- ádde, ahte čohkkejuvvon dieđut vurkejuvvojit ja máhttá addit unnimusat ovtta ovdamearkka, man ulbmila várás su birra čohkkejuvvon dieđut sáhttet geavahuvvot.
- suokkardallá programmerejuvvon teknologiija dearvvašvuhtii laktáseaddji, sosiála, politihkalaš dáiddalaš ja praktihkalaš vejolašvuođaid ja lassin riskkaid ja etihkalaš geahččanguovlluid.