Tiäđuhaldâšem sehe totkee já kreativlâš pargeldem

Tiäđuhaldâšem

Arâšoddâdem

…párnááh uápásmuveh tiäđu ucâmân ucâmáin tiäđu aašijn, moh kiäsutteh sii, sehe äigikyevdilijn fáádáin já almonijn.
…párnááh uápásmuveh laađân vuáđukevttimân sehe rähtih kove- já jienâucâmijd.

…párnááh já pargeeh savâsteleh tiäđu lyetittetteevuođâst vijđes tekstâibárdâs miäldásávt.
…párnááh hárjutteleh tiäđu kriittisii árvuštâllâm.
…párnááh šlajâtteleh já juávhutteleh aašijd spellâ- já sierâdemhámásávt digitallijn palvâlusâin.

… párnááh oovtâst pargeiguin suogârdeleh, et magarijd čuolmâid teknologiain puávtáččij čuávdiđ. Párnááh máttáátteleh čielgiđ sánálávt, et maht čuolmâ puávtáččij čuávdiđ.
…tiäđu oovdânpyehtimist kiddejuvvoo huámášume olgospyehtim olesvuotân. Pargeeh oovdânpyehtih tiäđu párnáid hiäivulijn vuovvijn: kielâlávt, koválávt já ropâlávt.

Ovdâmáttááttâs

…párnááh hárjutteleh laađân vuáđukevttim.
…párnááh hárjutteleh ulmemiäldásij uuccâmsaanij kevttim.

…párnááh oovtâst máttáátteijein hämmejeh ohtâvuođâid já fäälih sánáduv já pyehtih uáinusân ohtâvuođâid aašij kooskâ.

…šlajâttâllâm ohtâvuođâst párnááh uápásmuveh tuávádâhkárttáid já máttáátteleh oovtâst máttáátteijein rähtiđ taid digitallávt.

Iheluokain 1-2 uáppee

…máttá kevttiđ uuccâmmaašin ulmemiäldásávt. Sun máttá kevttiđ kove- já jienâuuccâm.
…máttá hammiđ oovtâkiärdánijd uuccâmsaanijd.
…máttá nube ulmuu laiđiittâsâst uuccâđ tiäđu äigikyevdilijn aašijn já almonijn.

…máttá nube ulmuu laiđiittâsâst árvuštâllâđ tiäđu lyetittetteevuođâ.

…máttá toohâđ aiccâmušâid jieškote-uvlágán tiäđukäldein jieijâs aargâst.
…máttá kevttiđ digitallijd pirrâsijd aiccâmušâi vuárkkumist já oovdânpyehtimist.
…máttá nube ulmuu laiđiittâsâst jesânistiđ tiäđu tuávádâhkáártán.
…hárjuttâl muštâliđ já čielgiđ uccum tiäđu jieijâs sanijguin.

…pyevtit uánihis, maaŋgâhámásijd teevstâid uccum tiäđu vuáđuld.

…máttáááttâl kevttiđ tiäđuhaaldâšmist onnum tuáváduvâid.

Uáppee ocá jiešráđálávt tiäđu aašijn já almonijn, moh kiäsutteh suu.

Iheluokain 3-6 uáppee

…máttá uuccâđ tiäđu äigikyevdilijn aašijn já almonijn.
…kiävttá uuccâmmaašin maaŋgâpiälásávt. Sun máttá uuccâđ täärhib uuccâmkriterijguin.

…hárjuttâl uuccâđ já kevttiđ iššeen jieškote-uv käldein kavnum tiäđu.
…máttá árvuštâllâđ tiäđu lyetittetteevuođâ. Sun hárjuttâl vuáđustâllâđ jieijâs árvuštâllâm.
…máttá nube ulmuu laiđiittâsâst kevttiđ iššeen maaŋgâkielâsijd käldeid.
…äddee, et maht viermist tiättojeijee tiätu lii šoddâm.

…máttá nube ulmuu laiđiittâsâst orniđ, šlajâttâllâđ já oovdânpyehtiđ tiäđu.
….máttá jesânistiđ tiäđu tuávádâhkáártán.
…máttá oovdânpyehtiđ tiäđu oovtâkiärdánis tavlustuvâiguin.
…hárjuttâl toohâđ aiccâmušâid já juurdâpuátusijd simulaatiost.
…hárjuttâl kevttiđ piergâs išedeijee tooimâid tiäđuhaaldâšmist.

…máttá hammiđ juohhum dokument oovtâst iärásijguin.
…pyevtit já kiävttá čallum teevstâ, kove já video jiečânávt já oovtâstpargoost.
…máttá adeliđ já väldiđ vuástá macâttâs pyevtittum siskáldâsâin. Sun máttá hammiđ siskáldâs macâttâs vuáđuld.

Uáppee lii kiäsuttum tiäđu kieđâvušmist já oovdânpyehtimist. Uáppee máttá oovdânpyehtiđ tiäđu maaŋgâpiälásij vuovijguin kevttimáin iššeen digitallijd pirrâsijd.

Iheluokain 7-9 uáppee

…máttá molsođ uuccâmmaašin asâttâsâid ulmemiäldásávt. Sun máttá kevttiđ jorgo koveuuccâm.

…máttá árvuštâllâđ tiäđu lyetittetteevuođâ já vuáđustâllâđ jieijâs árvuštâllâm.
…kiävttá iššeen jieškote-uvlágán käldeid tiäđu pyevtitmist.
…äddee, et maaŋgâi käldei já kejâdemvuovij mield tulkkuumeh sättih muttuđ.

…máttá haahâđ, kieđâvuššâđ já oovdânpyehtiđ tutkâmušân vuáđuduvvee tiäđu.
…máttá rähtiđ tuávádâhkáártá tâi nubelágán infograafik.
…máttá jesânistiđ stuorrâ tiätuamnâstuvâid já máttá muštâliđ já čielgiđ taid.
…máttá toohâđ aiccâmušâid já juurdâpuátusijd simulaatiost.
…kiävttá piergâs išedeijee tooimâid tiäđuhaaldâšmist.

…tobdá jieškote-uvlágán vuovijd oovdânpyehtiđ já visualisistiđ tiäđu. Sun máttá valjiđ ulmemiäldásijd tiäđu oovdânpyehtim vuovijd já anokáálvuid.

Totkee já kreativlâš pargeldem

Arâšoddâdem

…pargeeh movtijditteh párnáid hammiđ koččâmušâid, mooid sij oceh oovtâst vástádâsâid kevttimáin digitallijd palvâlusâid iššeen.
…párnááh uápásmuveh pargeiguin keččâlâdmáin já maaŋgâpiälásávt aargâ teknologian, jieškote-uvlágán tutkâmkálvoid já tutkâmvuovvijd.
…párnááh oovtâst pargeiguin olášutteh tutkâmušâid kevttimáin iššeen teknologia já digitallijn pirrâsijd. Toh kiävttojeh iššeen aiccâmušâi tohâmist, tiäđu jesânistmist já tiäđu ibbeerdmist.
…pargeeh kevttih iššeen sierâdem- já spellâmhámásijd porgâmvuovijd.

…pargeeh väldiđ huámášumán párnái alguid já čiäŋudeh taid kevttimáin iššeen digitallij pirrâsij máhđulâšvuođâid.
…pargeeh fäälih párnáid máhđulâšvuođâid keččâliđ kreativlii pyevtittem digitallijn palvâlusâin vijđes tekstâibárdâs miäldásávt.
…pargeeh tuárjuh párnái persovnlijd vuovijd olgospyehtiđ jieijâs kevttimáin iššeen digitallijd pirrâsijd. Sij ruokâsmitteh párnáid keččâliđ já olgospyehtiđ maaŋgâpiälásávt.

…párnááh já pargeeh vuávájeh já rähtiđ uđđâ tuojijd oovtâst. Sij olášutteh siärváduvlijd kreativlijd projektijd, main láá digitalliih elementeh.
…párnááh oovtâst pargeiguin rähtih digitallijn palvâlusâin párnái algust äigikyevdilis siskáldâsâid, moh kiäsutteh sii.
…párnááh já pargeeh kevttih kuuvijd já videoid maaŋgâpiälásávt.

Ovdâmáttááttâs

…párnááh oovtâst pargeiguin olášutteh kuhheebáigásijd tutkâmprojektijd, moh kevttih iššeen teknologia já digitallijd pirrâsijd.
…párnááh oovtâst pargeiguin suogârdeleh tutkâm roolâ čuolmâi čuávdimist párnái jieijâs tutkâmprojektij peht.

…pargeeh já párnááh kevttih maaŋgâpiälásávt jieškote-uvlágán heiviittâsâid.

…pargeeh movtijditteh párnáid olášuttiđ ideaidis kevttimáin iššeen älkkees heiviittâsâid.
…pargeeh rigodeh párnái mielâkuvviittâs já sij sierâdeleh digitallij pirrâsij máhđulâšvuođâiguin.

Iheluokain 1-2 uáppee

…máttá olášuttiđ teknologia iššijn uccâ tutkâmušâid fáádáin, moh kiäsutteh suu.
…máttá toohâđ aiccâmušâid škoovlâst já aldapirrâsist kevttimáin oovtâkiärdánijd digitallijd tutkâmanokáálvuid.

Uáppee lii kiäsuttum tutkâmân lohtâseijee teknologiast.

…máttá nube ulmuu laiđiittâsâst iävtuttiđ jieijâs siskáldâs pyevtittem digitallijn pirrâsijn.
…máttá olášuttiđ jieijâs ideaid ohtuu já oovtâst nubijguin digitallijn pirrâsijn.

…máttá nube ulmuu laiđiittâsâst kevttiđ iššeen digitallijd pirrâsijd jieijâs jurdâččem uáinusân pyehtimist.
…máttá olgospyehtiđ jieijâs jurduid, áárvuid já uáivilijd ovtâstâlmáin nube ulmuu laiđiittâsâst kove, video, jienâ, teevstâ tâi animaatio.
…keččâl, keksee, ráhtá já hämmee uđđâ tuojijd já jurduid kevttimáin iššeen digitallijd pirrâsijd.

Uáppee máttá digitistiđ fyysisijd kreativlii pargeldem pyevtittâsâid.

Uáppee kávná uđđâ vuovijd olgospyehtim jieijâs kevttimáin digitallâšvuođâ maaŋgâpiälásávt iššeen.
Uáppee movtijdit eres uáppeid kreativlii pargeeldmân digitallijn pirrâsijn.

Iheluokain 3-6 uáppee

…máttá vuáváđ já olášuttiđ oovtâkiärádánis tutkâmuš tâi proojeekt, mii kiävttá iššeen teknologia.
…kiävttá digitallijd pirrâsijd tutkâm anokálvun. Sun máttá valjiđ hiäivulii anokáálvu totkee pargeldem várás.

…iävtut jieijâs siskáldâs pyevtittem digitallijn pirrâsijn.

…máttá kevttiđ iššeen digitallijd pirrâsijd jieijâs jurdâččem já mättim uáinusân pyehtimist. Sun máttá valjiđ ulmemiäldásii palvâlus jieijâs pargo várás.
…máttá kevttiđ kreativlii pargeeldmân uáivildum pirrâsijd maaŋgâpiälásávt.

Uáppee totká já keččâl jiešráđálávt tutkâmân lohtâseijee teknologia.

Uáppee uásálist kreativlii pyevtittem viermisiärváduvváid. Uáppee viggá aktivlávt pyerediđ ohtsii kreativlii digitallii proosees.

Iheluokain 7-9 uáppee

…kiävttá teknologia maaŋgâpiälásávt tutkâm anokálvun.
…máttá vuáváđ iskosstelliittâsâid kevttimáin iššeen digitallijd palvâlusâid.
…máttá valjiđ olssis mielâkiddiiváá, räijejum tutkâmfáádá já olášuttiđ tutkâmuš.

…máttá kieđâvuššâđ nurrum tiäđu digitallii palvâlusâst jiečânávt já oovtâst.
…äddee tutkâmuš roolâ uđđâ tiäđu šoddâmist.
…tiäđust tahojiermi ovdánmân lohtâseijee almonijd.

…puáhtá aktivlávt uáinusân jieijâs jurdâččem, mättim já jieijâs kiäsuttâsčuosâttuvâid kevttimáin digitallâšvuođâ iššeen.
…olgospuáhtá ruokkâdávt já persovnlijn vuovvijn jurduidis siärváduvlii digitallii palvâlusâst.

…máttá valjiđ uulmán hiäivulii digitallii palvâlus, mii tuárju pyeremustáá sunjin persovnlii olgospyehtim.

Uáppee čuávu tutkâmân lohtâseijee teknologia ovdánem.

Uáppee čáittá eromâš mättim kreativlijn digitallijn prosesijn. Uáppee tuáimá movtijditteht já ana áárvust iärásij mättim ohtsijn kreativlijn digitallijn prosesijn.