Siirry sisältöön
Suodata listausta

Loogisâš jurdâččem já tiäđu kieđâvuššâm

Arâšoddâdem

  • oppâmpirrâseh vuávájuvvojeh tienuuvt, et párnááh pyehtih sierâin hárjuttâllâđ ohjelmistmist ávhálijd jurdâččemtááiđuid: šlajâttâllâm, viärdádâllâm já oornigân pieijâm. Pargeeh meid aicâdeh párnáiguin njuolgâdusmiäldásijd já kiärdášuvvee aašijd.

Ovdâmáttááttâs

    • uáppeeh oovtâst máttáátteijein keččâleh já pyevtitteh sierâdemhámásávt tooimâid, moh kiärdášuveh njuolgâduslávt tego ritmâdmeh. Ton lasseen sij suogârdeleh suijâ-čuávumuškoskâvuođâid. Sij sánádeh já čielgejeh tohhum valjiimijd oovtâst.
    • máttáátteijee stivree uáppeid šlajâttâllâđ, viärdádâllâđ já orniđ aašijd tiätu vuáđustâsâi mield, tego häämi, stuárudâh tâi ivne.

Iheluokain 1-2 uáppee

    • máttá orniđ já viärdádâllâđ aašijd jieškote-uvlágán iävtui, tego häämi siämmáálágánvuođâ, vuáđuld. Uáppee tuubdâst loogisijd operaatioid, tego “já”, “tâi”, “ij”.
    • máttá muštâliđ jieijâs valjiimijn já aiccâmušâin sánálávt tuáváduvâi já koŋkretlij anokáálvui iššijn.

Iheluokain 3-6 uáppee

    • máttá orniđ, viärdádâllâđ já oovdânpyehtiđ informaatio kevttimáin teknologian lohtâseijee tuáváduvâid já symbolijd.
    • máttá aicâdiđ ohtâvuođâid jieškote-uv ubâlâšvuođâi kooskâ. Ton lasseen uáppee máttá kavnâđ já kuvviđ aašij koskâsijd suijâ-čuávumuškoskâvuođâid.

Iheluokain 7-9 uáppee

    • máttá kieđâvuššâđ jieškote-uvlágán informaatio haamijd, kevttiđ ton kieđâvušmist jieškote-uvlágán merkkimvuovijd já olášuttiđ informaatioin loogisijd operaatioid.
    • kiävttá iššeen algoritmisii jurdâččem jieškote-uv oppâamnâsáid já projektáid lohtâseijee tutkâmist sehe tiäđu pyevtitmist já oovdânpyehtimist.

Čuolmâi čuávdim já myensteristem

Arâšoddâdem

  • pargeeh ruokâsmitteh párnáid imâštâllâđ já koijâdiđ pirrâs almonijn já aašijn sehe uuccâđ koččâmuššáid jieš vástádâsâid já čuávdusijd. Pargeeh já párnááh nomâtteh já čielgejeh almonijd oovtâst.

Ovdâmáttááttâs

  • máttáátteijee movtijdit uáppeid tutkâđ já jesânistiđ aargâ almonijd sehe suogârdâllâđ tooid lohtâseijee koččâmušâid. Uáppeeh oovtâst máttáátteijein hárjutteleh kuvviđ já čielgiđ aiccâmušâid sehe suogârdâllâđ jieijâs čuávdusijd.

Iheluokain 1-2 uáppee

  • máttá raččođ aargâst tiättojeijee uápis almonân lohtâseijee čuolmâ ossijd sehe uuccâđ já keččâliđ ton čuávdimân jieškote-uvlágán muulsâiävtuid. Uáppee máttá muštâliđ jieijâs čuávdimvuovijn.

Iheluokain 3-6 uáppee

    • máttá kevttiđ čuolmâ čuávdimân jieškote-uvlágán vuovijd já čuávduskaavaid sehe keččâl rähtiđ taid meid jieš.
    • máttá árvuštâllâđ čuávdusijd kevttimáin iššeen monnii kriiteer, tego toimâmvuotâ, luvâttetteevuotâ tâi pehtilvuotâ.

Iheluokain 7-9 uáppee

    • máttá analysistiđ čuolmâid já árvuštâllâđ toi máhđulijd čuávdusijd jieškote-uvlágán kriterij vuáđuld sehe visualisist čuolmâid já čuávdusijd almolistem já diagramij vievâst.
    • kiävttá iššeen algoritmisii jurdâččem jieškote-uv oppâamnâsáid já projektáid lohtâseijee čuolmâi čuávdimist.

Ohjelmistmân lohtâseijee toimâm, tuáváduvah já vuáđuráhtuseh

Arâšoddâdem

  • párnááh máttáátteleh sierâi tâi toimâlij pargoi vievâst toimâđ ravvui miäldásávt. Ravvuuh pyehtih leđe avžuuttâsah, visualliih, sánáliih tâi vuáđudum jienáid.

Ovdâmáttááttâs

  • uáppeeh uápásmuveh algoritm tuávádâhân tutkâmáin jieškote-uvlágán toimâmravvuid já vuovijd adeliđ ravvuid. Uáppeeh keččâledeh sierâdellee vuovvijn toimâmravvui adelem já nuávdittem.

Iheluokain 1-2 uáppee

  • máttá vuáváđ mudoi miäldásijd toimâmravvuid kevttimáin oovtâkiärdánijd pákkumijd já kiärduttemráhtus. Uáppee tuubdâst ravvuin šaddee feilâtilálâšvuođâid já keččâl čuávdusijd toi tivodem várás.

Iheluokain 3-6 uáppee

  • máttá rähtiđ tärhis já čielgâ toimâmravvuid kevttimáin kiärduttem- já valjimráhtusijd. Uáppee ocá já tiivood feeilâid toimâmravvuin sehe ohjelmkoodist.

Iheluokain 7-9 uáppee

    • tiätá, et maht jieškote-uvlágán ohjelmistemráhtuseh, tego miäldálâs, kiärdášuvvee já iävtuliih tooimah sehe muttojeijeeh (variabeleh), tuáimih. Uáppee máttá vuáváđ ohjelm kevttimáin taid.
    • máttá tulkkuđ tekstâvuáđusii ohjelmistemkielâ já tuubdâst jieškote-uvlágán ráhtusijd toin rahtum ohjelmkoodist.