Siirry sisältöön
Suodata listausta

Ohjelmistum teknologia eellim jieškote-uv suorgijn

Arâšoddâdem

  • párnááh oovtâst pargeiguin aicâdeh teknologia roolâ argâelimist. Sij nomâtteh aldapirrâs digitallijd piergâsijd já totkeh, maht toh tuáimih. Sij suogârdeleh, maggaar ävkki tâi iše piergâsijn já digitallijn palvâlusâin lii ulmuid.

Ovdâmáttááttâs

  • máttáátteijee stivree uáppeid tubdâstiđ já nomâttiđ argâpirrâsist tiiŋgâid, piergâsijd já digitallijd palvâlusâid, maid tiätumaašin stivree. Uáppeeh oovtâst máttáátteijein suogârdeleh já totkeh, maid toh pargeh já mondiet.

Iheluokain 1-2 uáppee

  • máttá tubdâstiđ já nomâttiđ jieijâs vuáttámušmaailmist tiättojeijee tiätumašináin stivrejum piergâsijd já palvâlusâid sehe uápásmuvá robotikân. Uáppee máttá kuvviđ piergâsij kevttimuulmijd já toimâmprinsiipijd.

Iheluokain 3-6 uáppee

    • máttá muštâliđ teknologisij heiviittâsâi ávhástâllâmvuovijn já toimâmprinsiipijn sehe kovvee toi merhâšume jieijâs elimist.
    • máttá aicâdiđ ohjelmistum elementij tiettum pirâstittee ohtsâškoddeest, tego robotik já tahojiermi.

Iheluokain 7-9 uáppee

  • tobdá ohjelmistum elementijd pirâstittee ohtsâškoddeest, tego algoritm, automaatio, robotik já tahojiermi. Uáppee äddee toi toimâmloogik já heiviittemvuovijd eellim jieškote-uv suorgijn.

Ohjelmistum teknologia vaiguttâsah aargâst

Arâšoddâdem

  • párnááh oovtâst pargeiguin totkeh, maht teknologia iššijn puáhtá čuávvuđ ulmuu toimâm. Párnááh oceh jieijâs aldapirrâsist keevâtlijd ovdâmeerhâid, tego lihâdemtubdâsteijeeh, kárttáheiviittâsah, párnái mieldiorroomčuávvumtägih, vijvekoodilohheeh tâi QR-koodih. Párnááh oovtâst pargeiguin hundârušeh, maht piergâseh tâi heiviittâsah noreh toimâmân lohtâseijee tiäđuid.

Ovdâmáttááttâs

  • uáppeeh oovtâst máttáátteijein suogârdeleh, mondiet ulmui toimâmist norrojeh tiäđuh jieškote-uvlágán piergâsijguin já heiviittâsâiguin. Sij meid savâsteleh párnáid uápis mediasiskáldâsâin já pirrâsijn, main sij taid čuávuh. Sij suogârdeleh oovtâst, mon vuáđuld ovdâmerkkân striimampalvâlusâst sierâ kevtteid avžuuttuvvojeh ereslágán siskáldâsah.

Iheluokain 1-2 uáppee

    • suogârdâl, magareh tiäđuh suu jieijâs tooimâin norrojeh digitallijn pirrâsijn já mii ohtâvuođâid ohjelmistmist lii tiäđui nurâmân.
    • äddee, et nurrum tiäđuh vyerkkejuvvojeh já máttá adeliđ aainâs-uv oovtâ ovdâmeerhâ, mon uulmán sust nurrum tiäđu puáhtá kevttiđ.

Iheluokain 3-6 uáppee

  • máttá muštâliđ ovdâmeerhâid ovtâskâs ulmui čuosâttum digitallijn siskáldâsâin sehe vuovijn, maht toh čuosâttuvvojeh. Uáppee suogârdâl jieijâs toimâm já tast čoggâšuvvee tiäđu kevttim digitallijn pirrâsijn.

Iheluokain 7-9 uáppee

    • äddee, et nurrum tiäđuh vyerkkejuvvojeh já máttá adeliđ aainâs-uv oovtâ ovdâmeerhâ, mon uulmán sust nurrum tiäđu puáhtá kevttiđ.
    • suogârdâl ohjelmistum teknologia tiervâsvuođâlijd, sosiallijd, poolitlijd, taaiđâlijd já keevâtlijd máhđulâšvuođâid sehe riiskâid já eettisijd uáinimčievâid.