Siirry sisältöön
Suodata listausta

Ohtsii vuávám já rähtim proseseh

Arâšoddâdem

  • pargeeh ruokâsmitteh párnáid teknologia piällás tutkâđ já keččâliđ oovtâst. Párnááh máttáátteleh muštâliđ jieijâs jurduin já aiccâmušâin sehe hárjutteleh toimâđ jieškote-uvlágán roolâin.

Ovdâmáttááttâs

  • máttáátteijee stivree uáppeid čuávdiđ čuolmâid já pargoid suogârdâlmáin já keččâlmáin oovtâst. Uáppeeh hárjutteleh oovdânpyehtiđ jieijâs ideaid iärásáid sehe jyehiđ pargoid ohtsij projektij olášuttem várás.

Iheluokain 1-2 uáppee

  • máttá oovdânpyehtiđ jieijâs ideaid, kuldâliđ iärásijd sehe keččâliđ čuávdusijd oovtâst já vuáruttâllâđ jieškote-uv roolâin ohjelmistmân lohtâseijee juávkkupargeeldmist.

Iheluokain 3-6 uáppee

  • máttá kuvviđ maangânáál jieijâs jurdâččemvuovijd, väldiđ huámášumán iärásij uáinuid sehe porgâđ mäšilávt ohtsii ulme olášuttem várás ohjelmistemprojektist.

Iheluokain 7-9 uáppee

    • äddee jieškote-uvlágán juávkkuroolâid já oovtâstpargovuovijd sehe pargeeld vyestivuárulávt já aktivlávt uásálistmáin ohjelmistemprojektijn.
    • máttá jyehiđ jieš ohjelmistum pyevtittâsâidis iärásij kevttimnáál sehe máttá kevttiđ iššeen iärásij rähtim pyevtittâsâid ovdâsvástádâslávt.

Kreativlâš pyevtittem

Arâšoddâdem

    • párnááh oovtâst pargeiguin vijđedeh teknologian lohtâseijee vuáttámušmaailmis tutkâmáin aargâ mašinij já piergâsij toimâmprinsiipijd. Párnááh keksejeh já huksejeh jieijâs piergâsijd já kreativlijd teknologisijd čuávdusijd, maid sij čaitâččeh nubbijd.
    • párnááh spellih jieškote-uvlágán speelâid já totkeh oovtâst pargeiguin toi jiešvuođâid. Párnááh oovtâst pargeiguin hämmejeh uápis sierâid já valmâš speelâid keksiimáin tooid uđđâ njuolgâdusâid, pargoid tâi ovdánemvuovijd.

Ovdâmáttááttâs

    • uáppeeh uápásmuveh piergâsáid, moh kevttih iššeen robotik, ucâmáin tiäđu jieškote-uvlágán käldein. Uáppeeh vuávájeh já huksejeh jieškote-uv materialijn jieijâs piergâsijd já robottijd sehe kovvejeh iärásáid toi ulme já toimâmprinsiipijd.
    • uáppeeh oovtâst máttáátteijein vuávájeh já olášutteh toimâlijd já mainâslijd pirrâsijd, main kiävttojeh spellâhámásiih elementeh, tego njuolgâdusah, čuággái rekinistem tâi äigiraijiittâsah. Uáppeeh ideisteh jieijâs spellâhuáđđoid.

Iheluokain 1-2 uáppee

    • máttá rähtiđ maaŋgâlágán aašijn myensteristmijd ravvuu miäldásávt sehe kreativlávt olášutmáin jieijâs ideaid. Uáppee oovdânpuáhtá já juáhá ideaidis iärásijguin.
    • máttá rähtiđ nube ulmuu laiđiittâsâst tâi oovtâstpargoost iärásijguin digitallii pyevtittâs, mii siskeeld mainâslâšvuođâ tâi spellâhámásijd elementijd, kevttimáin animistem tâi oovtâkiärdánis ohjelmistem.

Iheluokain 3-6 uáppee

    • máttá kevttiđ jieijâs pyevtittâsâin iššeen jieijâs aiccâmušâid, mittedempuátusijd tâi -piergâsijd já ovtâstittiđ tooid robotik. Uáppee jáállud oovdeb čuávdusijd hárjuttâlmáin iterativlii pargeldem ađai kiärdášuvvee ideistem, porgâm, testam já jotkâovdedem.
    • máttá tubdâstiđ animaatioi já speelâi ohjelmistmân lohtâseijee jiešvuođâid.

Iheluokain 7-9 uáppee

    • máttá vuáváđ já olášuttiđ oovtâstpargoost iärásijguin čuávdus, mii kiävttá monnii sensorijguin ávhástellee čuávdus sehe robotik tâi automatisaatio.
    • máttá vuáváđ já olášuttiđ speelâ, simulaatio tâi heiviittâs, mii čuávdá monnii škoovlân tâi uáppee jieijâs elimân lohtâseijee čuolmâ.

Ohjelmistem oppâm tyejipiergâsin

Arâšoddâdem

  • párnááh hárjutteleh ohjelmistmist ávhálijd jurdâččem- já oovtâstpargotááiđuid vijđásávt puoh tooimâin já jieškote-uv oppâmsuorgijn: sij imâšteleh, uápásmuveh, keččâledeh já noreh vuáttámušâid teknologiast já teknologia piällást.

Ovdâmáttááttâs

  • uáppeeh hárjáneh kreativlii pargeeldmân já olgospyehtimân teknologia vievâst sehe pargeh sierâdemhámásijd pargoid kevttimáin iššeen jieškote-uvlágán myensterijd já toimâmravvuid sehe pákkumijguin stivrejum piergâsijd já anokáálvuid.

Iheluokain 1-2 uáppee

  • máttá kieđâvuššâđ sierâ oppâamnâsijn hárjuttâllâmnáál šaddee siskáldâsâid kevttimáin ohjelmistmân lohtâseijee toimâmvuovijd já piergâsijd sierâdâlmáin tâi keččâlâdmáin.

Iheluokain 3-6 uáppee

  • máttá kevttiđ ohjelmistmân lohtâseijee porgâmvuovijd já -anokáálvuid kreativ olgospyehtim, pyevtittem sehe jieškote-uv almonij já fáádái tutkâm já čielgim várás sierâ oppâamnâsijn já taid ovtâstittee ubâlâšvuođâin.

Iheluokain 7-9 uáppee

  • tobdá jieškote-uv oppâamnâsáid lohtâseijee teknologisijd heiviittâsâid já máttá čielgiđ toi toimâmprinsiipijd. Uáppee máttá kevttiđ iššeen ohjelmistmân lohtâseijee porgâmvuovijd puoh oppâamnâsijn.

Keevâtliih tááiđuh

Arâšoddâdem

  • párnááh aicâdeh toimâmravvui adelem jieškote-uválgán tilálâšvuođâin.

Ovdâmáttááttâs

  • uáppeeh oovtâst máttáátteijein keččâleh toimâmpákkumij adelem máhđulâšvuođâi mield moinnii piergâsáin tâi heiviittâssáin, mon puáhtá ohjelmistiđ.

Iheluokain 1-2 uáppee

  • máttá stivriđ monnii piergâs tâi ovtâskâs huáđđoo, mon puáhtá ohjelmistiđ, monnii heiviittâsâst tâi viermipargoost.

Iheluokain 3-6 uáppee

  • máttá kevttiđ graafisii ohjelmistempirrâs já máttá rähtiđ toin jieijâs ohjelm, animaatio tâi speelâ.

Iheluokain 7-9 uáppee

  • máttá ohjelmistiđ ohjelmijd jieškote-uv pirrâsijn sehe tobdá vuáđuaašijd oovtâ tekstâvuáđusii ohjelmistemkielâst.