Tuáváš já rähteeh
äin siijđoin oovdânpuohtum tiätu- já viestâdemteknologisii mättim, medialuuhâmtááiđu já ohjelmistemmättim kuvviimeh láá rahtum ovdediđ oovtâviärdásâšvuođâ olášume párnái já nuorâi digitallij tááiđui já mättim máttátmist.
Kuvviimeh láá hämmejum toorjâmaterialin arâšoddâdemvuávám vuáđustâsâin sehe ovdâ- já vuáđumáttááttâs máttááttâsvuáváámij vuáđustâsâin. Kuvviimeh tuárjuh máttááttâs vuávám já olášuttem já meiddei páihálij vuáváámij rähtim já peividem. Kuvviimeh láá rahtum Uđđâ luuhâmtááiđuh -ovdedemohjelmist, mii lii uási máttááttâs- já kulttuurministeriö vijđásub Vuoigâdvuotâ oppâđ -ovdedemohjelmist (2020–2023). Kuvviimijd láá lamaš rähtimin máttáátteijeeh já eres äššitobdeeh.
Kuvviimeh testajuvvojeh já ovdeduvvojeh ohjelm ääigi. Uássin ovdedemohjelmist olášuttojeh páiháliih ovdedemhaavah arâšoddâdmist já ovdâ- já vuáđumáttááttâsâst. Máttááttâs- já kulttuurministeriö mieđettij ive 2021 išeruuđâ 46 hahâkieldân párnái já nuorâi digitallijd tááiđuid ovdedeijee toimâmmyensterij huksiimân luuhâmive 2021–2022 ääigi. Keessiv 2022 ministeriö mieđettij uđđâ išeruuđâid ohtsis 111 arâšoddâdem já ovdâ- já vuáđumáttááttâs uárnejeijei.
Ovdedemohjelmist Aalmuglâš audiovisallâš institut (Kansallinen audiovisuaalinen instituutti) västid medialuuhâmtááiđu já ohjelmistemmättim uásivijđoduvâin já Máttááttâshaldâttâs tiätu- já viestâdemteknologisii mättim uásivijđoduvâin.
Ohtâvuotâtiäđuh
Medialuuhâmtáiđu já ohjelmistemmättim, Aalmuglâš audiovisuallâš institut
- Sari Murtonen, proojeektäššitobdee (medialuuhâmtáiđu), puhelin: 029 533 8018.
- Sasu Leinonen, proojeektäššitobdee (ohjelmistemmättim), puhelin: 029 5338066.
- šleđgâpoostah láá häämist ovdanomma.suhanomma@kavi.fi
Digitallâš mättim, tiätu- já viestâdemteknologisâš mättim, Máttááttâshaldâttâs
- Päivi Leppänen, hahâkoordinaattor, puhelin: 029 533 1941.
- šleđgâpoostah láá häämist ovdanomma.suhanomma@oph.fi
Máttááttâs- já kulttuurministeriö
- Tero Huttunen, ovdedemhovdâ, puhelin: 029 533 0219.
- šleđgâpoostah láá häämist ovdanomma.suhanomma@gov.fi