Prograammnallšem juurdčummuž
Loogglaž jorddmõš da teâđ ǩiõttʼtõõllmõš
Ouddpeâmm
- mättʼtempirrõõzz plaanee nuʹtt, što päärna vueiʹtte siõrrmen harjjtõõllâd ohjjelmâʹsttmõõžžâst taarbšee’jid jorddmõõzz tääidaid: klasstõõllmõõžž, verddummuž da jäʹrjstõʹsse šiõttummuš. Päärnaivuiʹm vuâmmše še takainallšem da nuʹbbõõvvi aaʹššid.
Vuõssmättʼtõs
- päärnaivuiʹm ǩiččlâʹdde da puuʹtʼte siõreen tååimaid, kook nuʹbbâʹvve takainalla mâʹt-a rytmmâttmõõžž. Lââʹssen smeâʹtte vieʹrr- seuʹrrjemkõskkvuõđid. Tuejjuum vallʼjõõzzid sääʹnnte da čiõʹlǧǧee õõutsââʹjest.
- päärnaid vuäʹpste klassâʹtted, veʹrddeed da jäʹrjsted aaʹššid tiõttum vuâđain, mâʹt-a ååʹbleǩ, ceâlaivuõđ leʹbe euʹnn.
Ââʹǩǩ-klassceâlaivuõtt 1-2
- silttad jäʹrjsted da veʹrddeed aaʹššid jeeʹresnallšem määinai, mâʹt-a ååʹbleǩ seämmnallšemvuõđ määiʹnest. Mättʼtõõtti toobdâst loogglaid operaatiaid, mâʹt-a “da”, “leʹbe”, “ij”.
- silttad mainsted vaʹlljõõzsteezz da vuâmmšõõzsteezz sääʹnnlânji fiʹttõõzzi da konkreettlai neävvai vieʹǩǩin.
Ââʹǩǩ-klassceälaivuõtt 3-6
- silttad jäʹrjsted, veʹrddeed da eʹtǩǩeed informaatia ââʹneen teknologiaaʹje kollʼjeei fiʹttõõzzid da symboolid.
- silttad hääʹmmeed õhttvuõđid jeeʹres čeâlaivuõđi kõõskâst. Lââʹssen mättʼtõõtti silttad kaunnâd da kovveed aaʹšši kõskksaid vieʹrr- seuʹrrjemkõskkvuõđid.
Ââʹǩǩ-klassceälaivuõtt
- silttad ǩiõttõõllâd jeeʹresnallšem informaatia ååʹblǩid, ââʹnned tõn ǩiõttʼtõõllmõõžžâst jeeʹresnallšem meäʹrǩǩeemnaaʹlid da čõõđted informaatiavuiʹm loogglaid operaatiaid.
- äuʹǩǩad algoriitmla jorddmõõžž jeeʹres mättaunnsid da projeeʹktid kollʼjeeʹjin tuʹtǩǩõõzzin de teâđ puuʹttummšest da čuäjtummšest.
Väʹǯǯlõsvuõđi raʹtǩǩummuš da mallʼlâsttmõš
Ouddpeâmm
- päärnaid smeʹllkâʹstte õõmšed da eʹtǩǩeed kõõččmõõžžid pirrõõzz eettmõõžžin da aaʹššin de ooccâd tõid jiõčč vaʹsttõõzzid da raʹtkkõõzzid. Nõõmte da čiõʹlǧǧee eettmõõžžd õõutsââʹjest.
Vuõssmättʼtõs
- päärnaid äjšmâʹtte tuʹtǩǩeed da jeärggeed aarǥ eettmõõžžd de smiõttâd tõid kollʼjeeʹjid kõõččmõõžžid. Päärnaivuiʹm harjjtâʹlle kovveed da čiõʹlǧǧeed vuâmmšõõzzid de smiõttâd jiijjâs raʹtkkõõzzid.
Ââʹǩǩ-klassceâlaivuõtt 1-2
- silttad puʹrǧǧeed toobdsa aarǥ eettmõʹšše kollʼjeei väʹǯǯlõsvuõđ vueʹzzid de ooccâd da ǩiččlõddâd tõi raʹtkkõʹsse jeeʹresnallšem vaajtõsmääinaid. Mättʼtõõtti silttad mainsted raʹtǩǩeemnääʹlsteezz.
Ââʹǩǩ-klassceälaivuõtt 3-6
- silttad ââʹnned väʹǯǯlõõžži raʹtkkõʹsse jeeʹresnallšem naaʹlid da raʹtǩǩeemkääʹvaid de ǩiččlâdd raajjâd tõid še jiõčč.
- silttad arvvlâʹstted raʹtkkõõzzid äuʹǩǩeen mõõn-ne kriteer, mâʹt-a toiʹmmjemvuõđ, lookkâmvuõđ leʹbe oddvuõđ.
Ââʹǩǩ-klassceälaivuõtt
- silttad analysâʹstted väʹǯǯlõõžžid da arvvlâʹstted tõi vueiʹtlvaid raʹtkkõõzzid jeeʹresnallšem kriteeʹri määiʹnest de visualisâʹstted väʹǯǯlõõžžid da raʹtkkõõzzid aalmlai da kääʹvai vieʹǩǩin.
- äuʹǩǩad algoriitmla jorddmõõzz jeeʹres mättaunnsid da projeeʹktid kollʼjeeʹjest väʹǯǯlõõžž raʹtkkummšest.
Ohjjelmʼmâsttmõʹšše kollʼjeei tuåimmʼmõš, fiʹttõõzz da vuâđđrajjõõzz
Ouddpeâmm
- mättʼtâʹtte siõreen leʹbe tåimmnallai tuâjai vieʹǩǩin tåimmʼmad vuäʹpstõõzz meâldlânji. Vuäʹpstõõzz vueiʹtte leeʹd vaardla, visuaalʼla, sääʹnnla leʹbe jiõnid vuâđđeei.
Vuõssmättʼtõs
- tobdstâʹtte algoritmm fiʹttõʹsse tuʹtǩǩeeʹl jeeʹresnallšem tåimmamvuäʹppõõzzid da naaʹlid uʹvdded vuäʹpõõzzid. Ǩiččlâʹdde siõreen tåimmamvuäʹppõõzzi ouddmõõžž da jääʹǩǩtummuž.
Ââʹǩǩ-klassceâlaivuõtt 1-2
- silttad raajjâd määʹttlaid tåimmamvuäʹppõõzzid ââʹneen õõutǩeärddsaid päkkmõõžžid da nuʹbbâʹsttemraajõõzz. Mättʼtõõtti toobdâst vuäʹppõõzzi puuʹtʼtem vââʹǩǩvueʹjjid da ǩiččlâdd raʹtkkõõzzid tõi teevvmõʹšše.
Ââʹǩǩ-klassceälaivuõtt 3-6
- silttad raajjâd tääʹrǩes da čiõlǥâs tåimmamvuäʹppõõzzid ââʹneen nuʹbbâʹsttem- da vallʼjõsraajõõzzid. Mättʼtõõtti ååcc da koʹrjjad võõʹjjid tåimmamvuäʹpstõõzzin de ohjjelmkoodin.
Ââʹǩǩ-klassceälaivuõtt
- teâtt, mäʹhtt jeeʹresnallšem ohjjelmʼmâʹttemraajõõzz, mâʹt-a ǩeäččlõš, nuʹbbõõvvi, määinla de mõttjeei toiʹmmje. Mättʼtõõtti silttad plaaneed ohjeelm tõid ââʹneen.
- silttad tuʹlǩǩeed teʹksttvuâđđsa ohjjelmʼmâʹsttemǩiõl da toobdâst jeeʹresnallšem raajõõzzi tõʹst tuejjuum ohjjelmkoodist.