Rajjum teâttmašinaprograamm pirrõõzz da tõin tåimmʼmõš
Ohjjelmʼmõsttum teknologia jieʹllem jeeʹres vueʹssvuuʹdin
Ouddpeâmm
- hääʹmmee päärnaivuiʹm teknologia rool arggjieʹllmest. Nõõmte âʹlddpirrõõzz digitaalʼlaid teâttneävvaid da tuʹtǩǩee, mäʹhtt tõk toiʹmmje. Smeâʹtte, muʹvddem äuʹǩǩ leʹbe vieʹǩǩ neävvain, digitaalʼlain kääzzkõõzzin lij ooumže.
Vuõssmättʼtõs
- vuäʹpste päärnaid tobdsted da nõõmted argg pirrõõzzâst kaauʹnid, neävvaid da digitaalʼlaid kääzzkõõzzid, kook toiʹmmje teâttmašinain ohjjeeʹl. Smeâʹtte da tuʹtǩǩee õõutsââʹjest mâiʹd tõk tuejjee da mõõzz.
Ââʹǩǩ-klassceâlaivuõtt 1-2
- silttad tobdsted da nõõmted jiijâs ǩiččlâʹsttemmaaiʹlmest käunnjeeʹjid teâttmašinain ohjjeem teâttneävvaid da kääzzkõõzzid de tobdstââtt robotikkaaʹje. Mättʼtõõtti silttad kovveed teâttneävvai ââʹnnemõõlǥtõõzzid da tåimmʼmamvuâđđjuurdid.
Ââʹǩǩ-klassceälaivuõtt 3-6
- silttad mainsted teknoloogla suåvldõõzzi äuʹǩǩeemnaaʹlin da tåimmʼmamvuâđđjuurdin de koovvad tõi miârkktõõzz jiijjâs jieʹllmest.
- silttad vuâmmšed ohjjelmʼmõsttum elemeeʹti åårrâmjeäl pirrõstti õhttsažkååʹddest, mâʹt-a robotiikk da rajjumtoolk.
Ââʹǩǩ-klassceälaivuõtt
- tobdd ohjjelmʼmõsttum elemeeʹntid pirrõstti õhttsažkååʹddest, mâʹt-a algoriitm, automaatio, robotiikk da rajjumtoolk. Mättʼtõõtti fiʹttai tõi tåimmʼmamlogiikk da suåvldõõzzid jieʹllem jeeʹres vueʹssvuuʹdin.
Ohjjelmʼmõsttum teknologia vaikktõõzz aarǥâst
Ouddpeâmm
- tuʹtǩǩee päärnaivuiʹm, mäʹhtt teknologia vieʹǩǩin vuäitt seuʹrrjed oummu tåimmʼmõõžž. Åʹcce jiijjâs âʹlddpirrõõzzâst vueʹǩǩes ouddmiârkid, mâʹt-a likkâmtobldõõǥǥid, karttsuåvldõõzz, päärnai pääiʹǩâʹlnnseuʹrrjem tägid, cerldõkkooddlookki leʹbe QR-koodd. Smeâʹtte, mäʹhtt teâttneävv leʹbe suåvldõõzz nåʹrre tåimmʼmõʹšše kollʼjeei teâđ.
Vuõssmättʼtõs
- Smeâʹtte päärnaivuiʹm, mõõzz jeeʹresnallšem teâttneävvain da suåvldõõzzin nåʹrre teâđaid oummi tåimmʼmõõžžâst. Saǥstâʹlle še päärnaid toobdâs mediasiiʹsǩin da pirrõõzzin, koin sij tõid seuʹrrje. Smeâʹtte õõutsââʹjest, mõõn määiʹnest ouddmiârkkân vuõiggnuuʹbbsštemkääzzkõõzzâst õõʹnnʼja siâzztâʹlle jeeʹres siiʹsǩid.
Ââʹǩǩ-klassceâlaivuõtt 1-2
- smeâtt, muʹvddem teâđ suu jiijjâs tåimmʼmõõžžâst nåʹrre digitaalʼlain pirrõõzzin da mii õhttvuõtt ohjjelmʼmâsttmõõžžin lij teâđai noorrmõʹšše.
- fiʹttai, što norrum teâđ ruâkkje da silttad uʹvdded kuuitâǥ õõut ouddmiârk, muʹvddem âânnmõʹšše suʹst norrum teâđaid vueiʹtte ââʹnned.
Ââʹǩǩ-klassceälaivuõtt 3-6
- silttad mainsted ouddmiârkid puõttlõsttum digitaalʼlain siiʹsǩin de naaʹlin, koin tõid puõttlâʹstte. Mättʼtõõtti smeâtt jiijjâs tåimmʼmõõžžâs da tõin norrjam teâđ âânnmõõžž digitaalʼlain pirrõõzzin.
Ââʹǩǩ-klassceälaivuõtt
- fiʹttai, što norrum teâđ ruâkkje da silttad uʹvdded kuuitâǥ õõut ouddmiârk, muʹvddem âânnmõʹšše suʹst norrum teâđ vueiʹtte ââʹnned.
- smeâtt ohjjelmʼmõsttum teknologia tiõrvâsvuõttlaid, sosiaalʼlaid, poliittlaid, čeäpplaid da vuâkksaid vueiʹtlvažvuõđid de riiskid da eettlaid vueiʹnnemkuuʹlmid.