Tuʹtǩǩeei tuâj da puuʹttummuž di
Õhttsažoouʹdeem proseeʹss
Ouddpeâmm
- smeʹllkâʹstte päärna õhttsõʹžže tuʹtǩǩummša da ǩiččlõddmõʹšše teknologia paarâst. Mättʼtâʹtte mainsted jiijjâs jorddmõõžžin da vuâmmšõõzzin de harjjtâʹlle tåimmad jeeʹresnallšem roolin.
Vuõssmättʼtõs
- vuäʹpste päärna raʹtkkeed väʹǯǯlõõžžid da tuejaid smiõtteeʹl da ǩiččlõddeeʹl õõutsââʹjest. Harjjtâʹlle eʹtǩǩeed jiijjâz ideaid järrsid da jueʹǩǩed tuâjaid õhttsa projeeʹkt teâuddjummšen.
Ââʹǩǩ-klassceâlaivuõtt 1-2
- silttad eʹtǩǩeed jiijjâz ideaid, kuvddled järrsid de ǩiččlõddâd raʹtkkõõzzid õõutsââʹjest da vuârrtõõllâd jeeʹres roolin ohjjelmʼmâsttmõõžžid kollʼjeeʹjin äʹrtteltuâjstõõllmõõžžin.
Ââʹǩǩ-klassceälaivuõtt 3-6
- silttad kovveed jeeʹresnalla jiijjâs juʹrddemnaaʹleezz, vuâmmšed järrsi vueiʹnnemkuuʹlmid de tuâjstõõlllâd väimmsânji õhttsa täävtõõzz õsttâm diõtt ohjjelmʼmâsttemprojeeʹktest.
Ââʹǩǩ-klassceälaivuõtt
- fiʹttai jeeʹresnallšem äʹrttelroolid da õhttsažtuâj naaʹlid de tuâjstââll vueʹsttvuârrlânji da aktiivlânji vuässõõđeen ohjjelmʼmâsttemprojeeʹktin.
- silttad jueʹǩǩed jiijjâz ohjjelmʼmõsttum puuʹttõõzzeez järrsi ââʹnnemnalla de silttad äuʹǩǩeed järrsi tuejjeem puuʹttõõzzid vaʹstteemvuõttlânji.
Čieʹppes puuʹttummuš
Ouddpeâmm
- veeidee päärnai teknologiaaʹje kollʼjeeʹji ǩiččlâʹsttem-maailm tuʹtǩǩeeʹl aarǥ teâttkaauʹni da -neävvai tåimmamvuâđđjuurdid. Ǩeʹkksje da tuâjstâʹlle jiijjâz teâttneävvaid da čieʹppes teknolooglaid raʹtkkõõzzid, koid čuäjtâʹlle järrsid.
- seäʹrre jeeʹresnallšem siõrid da tuʹtǩǩee õõutsââʹjest tõi oddvuõđid. Meäʹlle päärnaivuiʹm tobdsaid siõrid da vaalmâš siõrid ǩeʹkksjeeʹl tõid ođđ meärrõõzzid, tuâjaid leʹbe ouddnemnaaʹlid.
Vuõssmättʼtõs
- tobdstâʹtte robotikk äuʹǩǩeeʹjid teâttneävvaid oocceeʹl teâđ jeeʹresnallšem kääivain. Plaanee da tuâjstâʹlle jeeʹres aunnsin jiijjâz teâttneävvaid da roboottid de kovvee järrsid tõi miârkktõõzz da tåimmamvuâđđjuurdid.
- plaaneed da čõõđte päärnaivuiʹm tåimmnallaid da mainnsallaid pirrõõzzid, koin âʹnne siõrrlaid elemeeʹntid, mâʹt-a meärrõõzzid, ceäkldõõzzi lasǩummuš leʹbe äiʹǩǩraajid. Ideâʹstte jiijjâz siõrrhääʹmid.
Ââʹǩǩ-klassceâlaivuõtt 1-2
- silttad tuejjeed jeeʹresnallšem aaʹššin mallʼlâsttmõõžžid vuäʹpstõõzz meâldlânji de čeäppeld jiijjâz ideaid teâuddeen. Mättʼtõõtti čuäjtââll da juâkk ideaid järrsivuiʹm.
- silttad tuâjstõõllâd vuäʹpsteeʹl leʹbe õhttsažtuâjast järrsivuiʹm mainnsallašvuõđ leʹbe siõrrlaid elemeeʹntid siiʹsǩeei digitaalʼla puuʹttõõzz animâsttmõõžž leʹbe õõutǩeärddsa ohjjelmʼmâsttmõõžž ââʹneen.
Ââʹǩǩ-klassceälaivuõtt 3-6
- silttad äuʹǩǩeed puuʹttummšin jiijjâz vuâmmšõõzzid, mettummšid leʹbe anturid da õhtteed robotiikk. Mättʼtõõtti pueʹrad åårrmen åårai raʹtkkõõzzid harjjtõõleen iteratiivla tuâjstõõllmõõžž l. nuʹbbõõvvi ideâsttmõõžž, tuejjummuš, teʹsttjummuš da juâtkkoouʹdummuš.
- silttad toobdsted animaatiai da siõri ohjjelmʼmâʹsttem oddvuõđid.
Ââʹǩǩ-klassceälaivuõtt
- silttad plaaneed da čõõđted õhttsažtuâjast järrsivuiʹm raʹtkkõõzz, koʹst âʹnne mõõn-ne sensorid äuʹǩǩeeʹjid raʹtkkõõzzid de robotiikk leʹbe automatisaatiaid.
- silttad plaaneed da čõõđted siõr, simulaatio leʹbe suåvldõõzz, kååʹtt raʹtǩǩad mõõn-ne škooule leʹbe mättʼtõõtti jiijjâs jieʹllma kollʼjeei väʹǯǯlõõžž.
Ohjjelmʼmâsttmõš mättʼtem neävvan
Ouddpeâmm
- ohjjelmʼmâsttmõõžžâst taarbšem jorddmõõžž da õhttsažtuâj tääidaid harjjtâʹlle veeidas-vuâllsânji juõʹǩǩ tåimmõõžžâst da jeeʹres mättʼtem vuuʹdin: õõmše, tobdstâʹtte, ǩiččlâʹdde da vuäǯǯa ǩiččlâsttmõõžž teknologiast da teknologia paaldâst.
Vuõssmättʼtõs
- päärna vuäǯǯa ǩiččlâsttmõõžžid čieʹppes raajjmõõzzâst da õlmmummšest teknologia vieʹǩǩin de tuejjee siõrrlaid tuâjaid äuʹǩǩeeʹl jeeʹresnallšem maalid da tåimmamvuäʹppõõzzid de pääkkeen ohjjeeʹjid teâttneävvaid da teâttkaauʹnid.
Ââʹǩǩ-klassceâlaivuõtt 1-2
- silttad ǩiõttʼtõõllâd jeeʹres mättaunnsin harjjteeʹjid siiʹsǩid ââʹneen siõrlânji da ǩiččlõddeen ohjjelmʼmâsttmõõžžid kollʼjeeʹjid tåimmamnaaʹlid da neävvaid.
Ââʹǩǩ-klassceälaivuõtt 3-6
- silttad ââʹnned ohjjelmʼmâsttmõõžžid kollʼjeeʹjid tåimmamnaaʹlid da -neävvaid čieʹppes õlmmeem da jiijjâs puuʹtʼteem de jeeʹresnallšem eeʹttmõõžži da teeʹmi tuʹtǩǩummša da čiõlǧǧummša jeeʹres mättaunnsin da tõi õhtteeʹjin ceâlaivuõđin.
Ââʹǩǩ-klassceälaivuõtt
- tobdd jeeʹres mättaunnsid kollʼjeeʹjid teknoloogglaid suåvldõõzzid da silttad čiõʹlǧǧeed tõi tåimmamvuâđđjuurdid. Mättʼtõõtti silttad äuʹǩǩeed ohjjelmʼmâsttmõõžžid kollʼjeeʹjid tuâjstõõllâmnaaʹlid pukin mättaunnsin.
Vueʹǩǩes tääid
Ouddpeâmm
- päärna vuâmmše tåimmamvuäʹppõõzzi ouddmõõžž jeeʹresnallšem vueʹjjin.
Vuõssmättʼtõs
- päärnaivuiʹm ǩiččlâʹdde tåimmampääkktem ouddmõõžž vueiʹtlvažvuõđi mieʹldd koin-ne ohjjelmʼmâsttem teâttneävvain leʹbe suåvldõõzzin.
Ââʹǩǩ-klassceâlaivuõtt 1-2
- silttad ohjjeed mõõn-ne ohjjelmʼmâʹsttem teâttneävv leʹbe õõut hääʹmm koon-ne suåvldõõzzâst leʹbe neʹtt-tuâjast.
Ââʹǩǩ-klassceälaivuõtt 3-6
- silttad ââʹnned graafla ohjjelmʼmâsttem pirrõõzz da silttad raajjâd tõin jiijjâs ohjjelm, animaatio leʹbe siõr.
Ââʹǩǩ-klassceälaivuõtt
- silttad ohjjelmʼmâʹstted ohjjlmid jeeʹres pirrõõzzin de tobdd vuâđđaaʹššid õõutâst teʹksttvuâđđsast ohjjelmʼmâsttemǩiõlâst.